Ya aten KIA dap dung (15) Sanggang pa post maga de myen hpyen ni hte myiman hkrum gasat taw nga sai re. Myen a hpyen masa shamu shamawt ai lam hpe yu yang KIA dap ba (3) hpe n lu lu hkra gasat shamyit kau na masa nga ai. Dai majaw KIO ginjaw kawn dap ba (3) n'pu Mai Ja Yang mare hte kaga mare shagu na mung masha ni hpe yup-ra n'ba shabawn da let hprawngyen na jin jin re na matu matsun da sai.
Ndai laman hta Myitkyina mare kaba kaw mung myen ni hpyen masa shamu shamawt lam nga ai. Hpaji jawng nkau mi hkan e bawm hkam da ai nga nna jawng ma ni hpe jaujau wa kau sha-ngun ai. Mare kata na lam numshe shagu myen hpyen la ni sin let san jep ai lam mung galaw nga ai. Ndai zawn myen asuya hpyen dap gaw mung shawa man hta KIO n kaja ai hku ndau shabra let mung masa amyat htuk nga ai.
Shawng lam majan shiga hta KIA dap ba (3) maga na myutsaw share shagan ni gaw hpyen man hkrum n re ai sha dappram (ေျပာက္ၾကား) zai ladat hte sa gasat ai hta pyi, myen hpyen n-gun tsawm ra mi sum mat... Byu-Ha-Mu langai mung hkrat sum ai kaw lawm mat ai lam chye lu ai.
Nam Ya hte Ma Y Pin lapran hta dap ba (3) n'pu dung (6) na myu tsaw share shagan ni hku nna myen dap Hka-Ma-Ya (386) hpyen hpung ni a mawdaw kaba (2) hpe lu gap kapaw kau ai lam chye lu ai.
Myen asuya gaw shawng lam kaw n-gun grai jat bang nga ai zawn mare kaba de mung porter masha lahkawn dingyang, mung masha ni hpe zingri dingyang re nga ai. Manwin Gyi makau, Nam Hka mare na Slg. Labang Naw Grawng, asak (70) ning gaw, yi kaw nga nga ai ten sa gap ai majaw hakla hkrum wa sai.
 | ||
| Slg, Labang Naw Grawng |
Matut nna Myikyina Shatapru mare, lawk (5) kaw shanu nga ai Slg. Mashaw Bum Seng hpe mung Dec (2) ya (10:00)Pm hta myen hpyen la ni mara kata rim mat ai lam na chye lu ai. Ya du hkra seng ang ai nta masha ni hte nlu hkrum shi ai lam mung chye lu ai.
Myen asuya gaw ndai zawn mare kaba hta mung amyu shamyit masing hte roi rip nga sai re.
No comments:
Post a Comment