Jinghpaw Mung Kata Na Masa Lam

Ya yang Jinghpaw Mung kata myo mare kaba hte tsan ai mare kahtawng hkan e mung mare masha ni gaw hkawm sa hkawm wa grai sadi maja ra nga ai lam na chye lu ai, Myo mare kaba hte tsan ai shara hkan sinat ngoi jang dai shara na mare ni hpe nat kau ya na re lam myen asuya dap ni gaw mung mare masha ni hpe jahkrit shama let sadi jaw ai lam ni na chye lu ai. Dai majaw mare kahtawng hkan na mung mare masha ni gaw ya yang shanhte a mare kahtawng ni hkan sinat ngoi wa na hpe grai tsang nga ma ai lam na chye lu ai.

Bai Wunpawng Mung Dan Shanglawt hpyen dap kata hta ya yang mung shawa hpyen hpung ni grau grau jat wa nga ai hte, dai hta magam gun shang lawm ai ni gaw yawng Kawa La ni hkrai rai nga ai, majan mung lani hte lani grau grau sawng wa ai majaw mung shawa hpyen hpung kata na Kawa La magam gun ni gaw tinang dinghku a matu nlu myit, aten nlu jaw, lit nlu la ai daram byin taw nga ai hku re, dai majaw ma law ai magam gun dinghku ni hta yak hkak ai lam ni grau grau she law wa nga ai lam hpe mu lu ai. Maga mi de tinang a mung dan lit hpe nmai hprai, maga mi de kun dinghku a matu mung myit ra rai myit tsam pu ai lam gaw htam lahkawng masum rai nga ai lam na chye lu ai.

Shingran Brang,

Jinghpaw Mung