Ya ten wunpawng mungdan kata kaw shanu nga ai myu tsaw, mung tsaw ramma ni gaw anhte a manu dan ai w.p mungdan hpe Myen hpyen a lata na lu la na matut shani shagu tsa lam shadang magam dap de shang taw nga ma ai re.
16-10-2011 shani hta w.p mungdan a matu manu dan ai hpyen la (600) daram gaw hpyen wunkat yu la lu sai lam, bai yu la lu na mung grai naw nga ai lam shiga na chye lu ai. Tinang mungdan hpe gap di la lu na atsam nga taw sai lam mung na chye lu ai.
w.p mungdan shanglawt Asuya gaw kaga maigan mungdan kaba ni hte jahkrum nga sai lam mungdan shagu kaw na madi shadaw ai lam lu yang shalawt lu ai mungdan (1) hku mungkan hpe ndau na matu shajin nga ai lam na chye lu ai.
 |
| Myu Tsaw Share Shagan ni |
Ya ten w.p mungdan a matu shawng lam hta majan shang nga ai hpung ni gaw MHH (mung shawa hpyen hpung) Dingla hpyen hpung, EEDY ramma hpung, KIA ni hte anhte kam sham ai madu Yesu hte rau hpyen wa hpe gasat taw nga ai re.
Mung masa ngu ai gaw myu sha yawng hte seng ai, tinang mungdan a gam maka gaw tinang nan ka ra ai re. maiga du myu sha yawng mung yup taw nga yang rawt ra sai.
Yup taw ai manang wa hpe mung ja-su ra ai ten du sai. w.p sha ni a Mungdan Shanglawt lu na ya na majan hpe tinang dang di lu ai atsam, tinang lu ai marai hte yawng jawm shang lawm shakut sa wa ga law.
laika ka ai - Hpunggan Zau
No comments:
Post a Comment